Kireni Zulu akadzidza paMabika Primary School kuZvishavane, ndokuzodzidza paRimuka High School muKadoma. Akatanga kunyora nyambo dzinokodza mwoyo mugore ra1988 mubepanhau reKwaedza, ndokuzoita mutapi wenhau webepa iroro mugore ra1990. Chisi Hachieri Musi Wacharimwa ndiro bhuku rake rokutanga. Akanyorawo mamwe matatu akamirira kutsikiswa. Kireni Zulu mumwe wevaimbi vane mukurumbira munyika yeZimbabwe. Anokwenya gatare ari oga achitsigirwa nevasikana vanodaidzwa kuti Marabi Queens. Kireni anoita zvidobi dobi achiridza uku achitaura nyambo dzinonakidza nekuvaraidza vanhu. Akatsikisa madambarefu anoti: Mazai Adhimba, Panyika Pano, Nyevero Mupata Wachidembo, Marabi Music, Sekuru naVhura Chivharo. Miromo Yavakuru Joramu anoitisa pamuviri musikana waanodzidza naye fomu yechina. Baba vake vanomudzinga pamusha kuti aende anotsvaga basa, ariritire mhuri yaatanga. Anopedzesera ave kuBulawayo kuna babamukuru vake, VaNjenge. Vanogara naye pasi vomuraira mararamiro aanofanira kuita kuti upenyu hwake humire zvakanaka. Mashoko erairo aya achadzika midzi here maari zvekukunda simba rezvamupupuri zvenhamo?